បណ្តាញជួញដូរផ្លូវភេទជ្រៀតចូលជ្រៅក្នុងភ្នាក់ងារអនុវត្តច្បាប់កម្ពុជា
បណ្តាញជួញដូរផ្លូវភេទមួយដែលបានជ្រៀតចូលជ្រៅក្នុងទីភ្នាក់ងារអនុវត្តច្បាប់ កម្ពុជា និងអង្គការក្រៅរដ្ឋាភិបាល និងបានរួមបញ្ចូលនូវមន្ត្រីរដ្ឋាភិបាល «ជាន់ខ្ពស់» បានធ្វើការរាប់ឆ្នាំដើម្បីលាក់បាំងក្រុមរកស៊ីផ្លូវភេទជនជាតិវៀតណាម ហើយប្រមូលថ្លៃការពារពីផ្ទះបនខុសច្បាប់នៅក្នុងរាជធានីភ្នំពេញ។ បណ្តាញនេះត្រូវបានលាតត្រដាងលើកដំបូងនៅពេលដែលសមាជិកបណ្តាញច្រើននាក់ត្រូវបានផ្តន្ទាទោស កាលពីឆ្នាំ ២០១១។ ប៉ុន្តែទូរលេខសម្ងាត់មួយរបស់ក្រសួងការបរទេសអាមេរិក ដែលភ្នំពេញ ប៉ុស្តិ៍ ទទួលបានក្រោមសំណើតាមច្បាប់ស្តីពីសេរីភាពព័ត៌មាន និងបទសម្ភាសជាមួយនឹងមន្រ្តីប្រឆាំងការជួញដូរមនុស្សថ្នាក់កំពូល និងជាសមាជិកជាន់ខ្ពស់នៃក្រុមបានបង្ហាញព័ត៌មានថ្មីស្ដីពីលទ្ធភាពរបស់ក្រុមនេះ។ បណ្តាញនេះហាក់បីដូចជា បានបាត់បង់អំណាចរបស់ខ្លួនច្រើន ចាប់តាំងពីមេម្នាក់របស់បណ្តាញដែលនៅពេលនោះ គឺជាអតីតនាយនគរបាលប្រឆាំងការជួញដូរមនុស្សរាជធានីភ្នំពេញ គឺលោក អៀម រតនា ត្រូវបានផ្តន្ទាទោសដោយកំបាំងមុខកាលពីឆ្នាំ ២០១១ ឲ្យជាប់ពន្ធនាគារ ៧ ឆ្នាំ ពីបទប៉ុនប៉ងជួលជនបង្កប់ក្នុងជួរនគរបាល និងអង្គការក្រៅរដ្ឋាភិបាលដែលប្រឆាំងការជួញដូរមនុស្ស។ …
Daniel Pye, តាំង វីដា និង Alice Cuddy
http://bit.ly/1QQB7OL
